kr. / Vörur

Karfan þín

Engar vörur í körfunni.

Veganúar Matseðill

Vika 3: 17. – 23. janúar

Mánudagur:

Hráefni: pítubrauð, pítösósa, grænmeti að eigin vali t.d. paprika, tómatar, gúrka, salat. Þú getur svo valið um hakk, baunir, falafel eða krúttling sem próteingjafa.

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina. Hafðu í huga:

  • Grænmetið í uppskriftinni er bara tillaga. Notaðu tækifærið til að nýta grænmeti sem annars mundi skemmast eða það sem þig langar í hverju sinni..
  • Baunir er ýmist hægt að fá þurrkaðar eða niðursoðnar. Þær þurrkuðu eru ódýrari en kosta umtalsvert meiri fyrirhöfn. Gott er að eiga nokkrar dósir af mismunandi niðursoðnum baunum sem eru tilbúnar beint í pítuna þegar lítill tími gefst til eldamennsku.

Leiðbeiningar: Það er algjört life hax að skera allt grænmetið smátt og blanda saman í stóra skál með pítösósunni áður en þú skóflar fyllingunni ofan í pítöbrauðið.

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Þriðjudagur:

Vika 2: 10. – 16. janúar

Mánudagur:

Hráefni: eggaldin, brokkólí, rauðlaukur, hvítlaukspaste/hvítlauksgeirar, herbs de provinance krydd, balsamik glaze, salt, kjúklingabaunir, niðursoðnir hakkaðir tómatar, piccalo/kirsuberjatómatar, næringarger, nacho krydd, túrmerik, paprikuduft, pipar, cumin, kóríanderduft, chiliduft.

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina. Hafðu í huga:

  • Grænmetið í uppskriftinni er bara tillaga. Notaðu tækifærið til að nýta grænmeti sem annars mundi skemmast eða það sem þig langar í hverju sinni.
  • Þú getur notað næstum því hvaða krydd sem er. Lestu utan á pakkningarnar og athugaðu hvort þau innihaldi nokkuð efni á borð við gelatín, mjólkurvörur eða kjötkraft.
  • Kjúklingabaunir er ýmist hægt að fá þurrkaðar eða niðursoðnar. Þær þurrkuðu eru ódýrari en kosta umtalsvert meiri fyrirhöfn. Gott er að eiga nokkrar dósir af mismunandi niðursoðnum baunum sem eru tilbúnar beint á diskinn þegar lítill tími gefst til eldamennsku.

Leiðbeiningar: Eggaldin skorin í munnbita, smá salt og pipar og pínu olía. Sett á bökunarpappír og inn í ofn í 20 mín (hrista upp 1-2 sinnum yfir tímann).

Á meðan setur þú í pott allt nema kjúklingabaunirnar og sýður saman í 20 mín. Þá setur þú kjúklingabaunir og eggaldin saman við og leyfir að malla þar til brokkólíið er komið með þá áferð sem þú kýst.

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Þriðjudagur:

Hráefni: Þétt tófú, tamarisósa, brúnt misóþykkni, hlynsýróp, tapíókamjöl (má nota venjulegt hveiti en það verður ekki eins krönsí), sesamfræ, tveir skammtar hrísgrjónanúðlur, hnetu- eða möndlusmjör, kókosmjólk, 2-300gr sveppir, limesafi, cayennepipar, kóríander eða vorlaukur, salt og pipar.

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina. Hafðu í huga:

  • Grænmetið í uppskriftinni er bara tillaga. Notaðu tækifærið til að nýta grænmeti sem annars mundi skemmast eða það sem þig langar í hverju sinni.
  • Passaðu að velja firm eða extra firm tófú, mýkri tófúgerðir maukast í heitum réttum.

Leiðbeiningar: Blandaðu saman marineringu: 3 msk tamarisósa, 1 msk mísóþykkni, 1 tsk hlynsýróp og 2 msk tapíókahveiti. Skerð tófú í litla bita og veltir upp úr marineringunni. Getur annað hvort steikt á pönnu eða bakað í ofni í ca. 20 mín á 180°C.

Sýður núðlurnar eftir leiðbeiningum á pakka. Steikir sveppi á stórri pönnu, þegar þeir eru brúnaðir þá bætir þú útí hnetu/möndlusmjöri, miso, kókosmjólk, lime og kryddum. Blandar vel saman við meðal hita.

Þegar núðlurnar eru tilbúnar blandarðu þeim út í sveppa-kókosmjólkurblönduna. Mér finnst best að bera tófúið fram til hliðar toppað með sesamfræjum, kóríander og/eða vorlauk.

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Miðvikudagur:

Hráefni: Vefjur, salsasósa, ostur, seitan/tófú/krúttlingur/hakk, pikklaður rauðlaukur, pinto baunir, gular baunir, kóríander, nachos. Guacamole, hrein jógúrt, bbq sósa, chipötle sósa – þitt er valið!

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina. Hafðu í huga:

  • Rauðlauk er auðvelt að pikkla og eiga til taks í ísskápnum. Hann gefur ýmsum réttum spennandi twist! Við mælum t.d. með þessari einföldu uppskrift frá fræ.com.
  • Grænmetið og baunirnar í uppskriftinni eru bara tillaga. Notaðu tækifærið til að nýta grænmeti sem annars mundi skemmast eða það sem þig langar í hverju sinni.
  • Ef þú átt ekki tilbúið guacamole er fljótlegt að búa það til með því að stappa saman avocado, söxuðum rauðlauk, lime safa og örlitlu salti.

Leiðbeiningar: Þú tekur stóra quesadillu og á annan helming hennar raðar þú á hana hráefnunum, gott er að byrja og enda á osti eða sósu til að festa vefjuna saman þegar þú svo lokar henni. Steikir hana á meðalhita á pönnu og flippar yfir um þá hlið sem er lokuð eftir ca 2 mín. Gott er að bera guacamole og aðrar sósur fram til hliðar.

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Fimmtudagur:

Hráefni: Kál, smátómatar, sólþurrkaðir tómatar, gúrka, paprika, kartöflur, jógúrt, smjör, ferskt dill, næringarger, sítrónusafi, salt og pipar, tahini, hrein jógúrt, hlynsýróp, túrmerik, svartur pipar.

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina. Hafðu í huga:

Leiðbeiningar: Skerðu grænmetið og blandaðu saman fersku salati. Gerðu kartöflusalat: byrjaðu á að sjóða 300-400 gr af kartöflum. Blandaðu saman 100ml jógúrt, 1 msk smjör, fersku dilli, 1 msk næringargeri, safa úr 1/2 sítrónu, salti og pipar. Skerðu kartöflurnar í smáa bita eða stappaðu þær gróflega og hrærðu  jógúrtsósunni saman við. Gerðu loks túrmerik-tahinidressinguna: 2 msk tahini, 150ml hrein jógúrt, safi úr ½ sítrónu, 1 msk næringarger, 1 msk hlynsýróp, 1 tsk túrmerik, smá svartur pipar. Sett í matvinnsluvél eða hrært saman – bæta við smá vatni ef þarf að þynna. Berðu svo fram ferskt salat með kartöflusalati og dressingunni.

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Föstudagur:

Vegan pizzugerð getur verið eins einföld eða flókin og þú vilt, ódýr matur eða lúxus, allt eftir efnum og aðstæðum.

Í búðinni hjá okkur geturðu valið úr yfir 20 mismunandi tilbúnum frosnum pizzum, en við hvetjum þig til að láta sköpunarkraftinn stundum ráða ferðinni! Hér eru nokkur ráð:

Pizzubotninn:

  • Ef þú átt uppáhaldsuppskrift að pizzudeigi er líklegt að það sé nú þegar vegan. Hveiti, ger, olía, salt eða súrdeig er uppistaðan í flestum einföldum pizzubotnum og er allt saman fullgild grænkerafæða.
  • Til að einfalda málið geturðu valið um nokkra hálftilbúna pizzubotna, bæði ódýra og lúxusbotna sem þú getur skoðað í listanum hér fyrir neðan.

Sósan:

  • Flestar tilbúnar pizzusósur eru vegan en við elskum að prófa öðruvísi sósur. Pastasósur eru t.d. frábærar á pizzu, jafnvel með smá tómatpúrru hrærðri saman við. Ef þú ert í villtu skapi mælum við líka með því að prófa gott vegan pestó eða vegan rjómaost að eigin vali! Kíktu í listann hér fyrir neðan til að sjá nokkur dæmi.

Osturinn:

  • Hér vandast málið. Nýgræðingar eru sammála um að vegan ostur sé það hráefni sem hvað erfiðast sé að venjast. Ef þú ert ostadýrkandi mælum við með að sleppa honum fyrst um sinn en hlaða þeim mun meira af dýrindis áleggi á pizzuna.
  • Ef þú ætlar að nota vegan ost á pizzu þá reynist oft vel að blanda rifnum osti saman við örlítið af bragðlausri olíu og dreifa svo yfir sósuna áður en áleggið er sett á. Það kemur í veg fyrir að hann þorni í strimlum ofan á álegginu. Við eigum fjölmargar tegundir af osti, bæði rifnum og í stykkjum. Í listanum hér fyrir neðan eru vinsælar tegundir.

Áleggið:

  • Hvað fannst þér gott á pizzu áður en þú gerðist vegan eða byrjaðir að fikra þig þangað? Allar líkur eru á að við eigum vegan útgáfur af því öllu! Ýmiss konar álegg, kryddaðir “kjúklingabitar”, hakk og tófú henta frábærlega á pizzu. Við mælum líka með braðgsterkum bitum eins og sólþurrkuðum tómötum, jalapeno sneiðum eða ólífum, eða sætum glaðningum eins og döðlum, bönunum eða ananas. Síðast en ekki síst: allt ferska grænmetið.

 

Laugardagur:

Hráefni: Borgarabuff að eigin vali (við eigum hátt í þrjátíu tegundir!), hamborgarabrauð, þitt uppáhalds meðlæti (t.d. salat, paprika, tómatar, gúrka, guacamole, nachos, kimchi eða eitthvað allt annað), ferskar eða frosnar sætar kartöflur eftir því hvað þú vilt hafa mikið fyrir þessu og ekki gleyma sósunum! Við erum m.a. með sinnöps, aiöli, chipötle og kökteil!

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina.

Leiðbeiningar: Hitaðu franskar samkvæmt leiðbeiningum eða skerðu sæta kartöflu í lengjur og bakaðu með smá olíu og salti. Finndu til meðlætið, steiktu borgarabuffið, hitaðu brauðið og raðaðu svo saman þínum draumabörger. Njóttu með frönskum og kökteil.

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Vika 1: 3. – 9. janúar

Mánudagur:

Hráefni: Pasta, gúrka, tómatar, rauðlaukur, kál, Jömm pítösósa, kjúklingabaunir, krydd.

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina. Hafðu í huga:

  • Pasta er oft vegan en skoða þarf hvort það innihaldi nokkuð egg, sem er algengasta dýraafurðin sem notuð er í pasta.
  • Grænmetið í uppskriftinni er bara tillaga. Notaðu tækifærið til að nýta grænmeti sem annars mundi skemmast eða það sem þig langar í hverju sinni.
  • Kjúklingabaunir er ýmist hægt að fá þurrkaðar eða niðursoðnar. Þær þurrkuðu eru ódýrari en kosta umtalsvert meiri fyrirhöfn. Gott er að eiga nokkrar dósir af mismunandi niðursoðnum baunum sem eru tilbúnar beint á diskinn þegar lítill tími gefst til eldamennsku.
  • Kryddið getur verið næstum því hvaða blanda sem er. Lestu utan á kryddglösin heima og athugaðu hvort þau innihaldi nokkuð efni á borð við gelatín, mjólkurvörur (t.d. osta) eða kjötkraft.
  • Jömm pítösósan passar frábærlega með öllu fersku grænmeti en það má líka nota aðrar sósur eða meira krydd. Flestar mæjónessósur innihalda egg og eru því ekki vegan en allt frá Jömm er laust við allar dýraafurðir.

Leiðbeiningar: Eldaðu pastað samkvæmt leiðbeiningum á pakkningu, skolaðu það og settu í skál með skornu grænmeti. Blandaðu sósunni saman við eða berðu fram til hliðar og stráðu kryddi yfir eftir smekk.

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Þriðjudagur:

Hráefni: Vefjur, salsasósa, ostur, krúttlingur, salat, pikklaður rauðlaukur (rauðlaukur, eplaedik), kimchi, guacamole (avocado, rauðlaukur, tómatar, kóríander, lime, chili), nachos.

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina. Hafðu í huga:

  • Grænmetið í uppskriftinni er bara tillaga. Notaðu tækifærið til að nýta grænmeti sem annars mundi skemmast eða það sem þig langar í hverju sinni.
  • Flestar mexikóskar vefjur og salsasósur eru óvart vegan.
  • Nachos flögur með salti eru oftast vegan en hafðu augun hjá þér ef þú rekst á flögur með kryddi eða osti, þær eru líklegar til að innihalda mjólkurvörur og aðrar dýraafurðir.
  • Rauðlauk er auðvelt að pikkla og eiga til taks í ísskápnum. Hann gefur ýmsum réttum spennandi twist! Við mælum t.d. með þessari einföldu uppskrift frá fræ.com.
  • Krúttlingur getur verið hvaða staðgengill sem er í stað kjúklingakjöts. Ókryddað Oumph! kemur frábærlega í stað kjúklings í hvaða uppskrift sem er en það eru líka til ótal aðrir möguleikar. Fyrir þau sem vilja ekki kjötlíki er upplagt að nota baunir í staðinn.

Leiðbeiningar: Gerðu guacamole með því að stappa saman avocado, saxa niður tómata, chilli og rauðlauk og bland öllu saman ásamt safa úr lime. Steiktu krúttlinginn á pönnu við miðlungshita með þínu uppáhalds kryddi. Passaðu að steikja ekki lengur en þarf til að bitarnir hitni í gegn, of langur steikingartími gerir þá seiga. Hitaðu tortillakökurnar örsnöggt á þurri pönnu eða í ofni með ostsneið á miðjunni, settu svo á þær salsasósu, kimchi, guacamole, pikklaðan rauðlauk, krúttling og salat ásamt handfylli af muldu nachos.

 

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Miðvikudagur:

Hráefni: Linsubaunir, kókosmjólk, niðursoðnir tómatar, spínat, laukur, hvítlaukur, engifer, garam masala, túrmerik, cumin, kóríanderduft, chili, kóríander, naan brauð.

Leiðbeiningar: Hitaðu bragðlausa olíu á pönnu (t.d. repjuolíu eða sólblómaolíu) og léttsteiktu saxaðan lauk, chili og hvítlauk í örstutta stund. Settu kryddin út á og láttu krauma í 1-2 mínútur. Helltu kókosmjólk yfir og helltu linsubaununum út í. Láttu sjóða í 10-20 mínútur eða þar til baunirnar eru mjúkar í gegn. Hitaðu naan brauð samkvæmt leiðbeiningum á pakka. Saxaðu tómata og ferskan kóríander og berðu fram með réttinum.

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Fimmtudagur:

Hráefni: Kínóa, grænmetisteningur, rauðlaukur, tómatar, lime, cumin, salt, paprikuduft/chili, svartar baunir, steinselja/kóríander, spínat.

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina. Hafðu í huga:

  • Grænmetið í uppskriftinni er bara tillaga. Notaðu tækifærið til að nýta grænmeti sem annars mundi skemmast eða það sem þig langar í hverju sinni.
  • Svartar baunir er ýmist hægt að fá þurrkaðar eða niðursoðnar. Þær þurrkuðu eru ódýrari en kosta umtalsvert meiri fyrirhöfn. Gott er að eiga nokkrar dósir af mismunandi niðursoðnum baunum sem eru tilbúnar beint á diskinn þegar lítill tími gefst til eldamennsku.
  • Kínóa er næringarríkur matur sem auðvelt er að matreiða. Farðu eftir leiðbeiningum á pakkanum og búðu þig undir að reyna nokkrum sinnum áður en þú fullkomnar kínóasuðuhæfileika þína.
  • Þú getur notað næstum því hvaða grænmetistening sem er. Lestu utan á pakkningarnar og athugaðu hvort þau innihaldi nokkuð efni á borð við gelatín, mjólkurvörur eða kjötkraft.
  • Kínóasalat endist vel í ísskáp og er tilvalið að útbúa daginn áður.

Leiðbeiningar: Sjóddu kínóa samkvæmt leiðbeiningum á pakka ásamt grænmetisteningi. Skerðu grænmeti og skolaðu baunirnar. Blandaðu öllu saman og njóttu!

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Föstudagur:

Vegan pizzugerð getur verið eins einföld eða flókin og þú vilt, ódýr matur eða lúxus, allt eftir efnum og aðstæðum.

Í búðinni hjá okkur geturðu valið úr yfir 20 mismunandi tilbúnum frosnum pizzum, en við hvetjum þig til að láta sköpunarkraftinn stundum ráða ferðinni! Hér eru nokkur ráð:

Pizzubotninn:

  • Ef þú átt uppáhaldsuppskrift að pizzudeigi er líklegt að það sé nú þegar vegan. Hveiti, ger, olía, salt eða súrdeig er uppistaðan í flestum einföldum pizzubotnum og er allt saman fullgild grænkerafæða.
  • Til að einfalda málið geturðu valið um nokkra hálftilbúna pizzubotna, bæði ódýra og lúxusbotna sem þú getur skoðað í listanum hér fyrir neðan.

Sósan:

  • Flestar tilbúnar pizzusósur eru vegan en við elskum að prófa öðruvísi sósur. Pastasósur eru t.d. frábærar á pizzu, jafnvel með smá tómatpúrru hrærðri saman við. Ef þú ert í villtu skapi mælum við líka með því að prófa gott vegan pestó eða vegan rjómaost að eigin vali! Kíktu í listann hér fyrir neðan til að sjá nokkur dæmi.

Osturinn:

  • Hér vandast málið. Nýgræðingar eru sammála um að vegan ostur sé það hráefni sem hvað erfiðast sé að venjast. Ef þú ert ostadýrkandi mælum við með að sleppa honum fyrst um sinn en hlaða þeim mun meira af dýrindis áleggi á pizzuna.
  • Ef þú ætlar að nota vegan ost á pizzu þá reynist oft vel að blanda rifnum osti saman við örlítið af bragðlausri olíu og dreifa svo yfir sósuna áður en áleggið er sett á. Það kemur í veg fyrir að hann þorni í strimlum ofan á álegginu. Við eigum fjölmargar tegundir af osti, bæði rifnum og í stykkjum. Í listanum hér fyrir neðan eru vinsælar tegundir.

Áleggið:

  • Hvað fannst þér gott á pizzu áður en þú gerðist vegan eða byrjaðir að fikra þig þangað? Allar líkur eru á að við eigum vegan útgáfur af því öllu! Ýmiss konar álegg, kryddaðir “kjúklingabitar”, hakk og tófú henta frábærlega á pizzu. Við mælum líka með braðgsterkum bitum eins og sólþurrkuðum tómötum, jalapeno sneiðum eða ólífum, eða sætum glaðningum eins og döðlum, bönunum eða ananas. Síðast en ekki síst: allt ferska grænmetið.

 

Laugardagur:

Hráefni: Blómkál, hveiti, krydd, tortilla kökur, guacamole, pikklaður rauðlaukur, kimchi, aiöli sósa.

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina. Hafðu í huga:

  • Rauðlauk er auðvelt að pikkla og eiga til taks í ísskápnum. Hann gefur ýmsum réttum spennandi twist! Við mælum t.d. með þessari einföldu uppskrift frá fræ.com.
  • Ef þú átt ekki tilbúið guacamole er fljótlegt að búa það til með því að stappa saman avocado, söxuðum rauðlauk, lime safa og örlitlu salti.
  • Blómkálsbitana þarf ekki að steikja, það má líka baka þá eða setja í airfryer.

Leiðbeiningar: Hrærðu saman hveiti og krydd, blandaðu ósætum vökva (vatni eða jurtamjólk) út í þar til blandan er þykkfljótandi. Hitaðu olíu á pönnu, skerðu blómkál í litla bita, dýfðu þeim í hveitiblönduna og settu þá varlega á heita pönnuna. Veltu þeim til svo þeir brenni ekki og taktu af pönnunni þegar þeir eru gullinbrúnir. Hitaðu tortillakökur örsnöggt á þurri pönnu eða í ofni. Raðaðu á þær guacamole, pikkluðum rauðlauk, kimchi og blómkálsbitum ásamt aiöli.

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Sunnudagur:

Hakk og spaghettí

Hráefni: Hakk, spaghettí, niðursoðnir tómatar, laukur, gulrætur, ítalskt krydd, grænmetisteningur, frosið hvítlauksbrauð.

Við mælum með að nota sem mest af því sem til er í skápunum heima en hér fyrir neðan má raða í körfu þeim vörum sem vantar í uppskriftina. Hafðu í huga:

  • Pasta er oft vegan en skoða þarf hvort það innihaldi nokkuð egg, sem er algengasta dýraafurðin sem notuð er í pasta.
  • Grænmetið í uppskriftinni er bara tillaga. Notaðu tækifærið til að nýta grænmeti sem annars mundi skemmast eða það sem þig langar í hverju sinni.
  • Kryddið getur verið næstum því hvaða blanda sem er. Lestu utan á kryddglösin heima og athugaðu hvort þau innihaldi nokkuð efni á borð við gelatín, mjólkurvörur (t.d. osta) eða kjötkraft.
  • Til eru margar tegundir af vegan hakki, bæði frosið og þurrkað. Prófaðu mismunandi tegundir og uppgötvaðu ólíka eiginleika þeirra svo þú getir auðveldlega skipt út kjöthakki í uppáhalds réttunum þínum.

Leiðbeiningar: Sjóddu spaghettíið samkvæmt leiðbeiningum á pakka, skolaðu það og geymdu til hliðar. Hitaðu hvítlauksbrauð samkvæmt leiðbeiningum á pakka. Saxaðu laukinn og skerðu gulræturnar smátt. Steiktu grænmetið upp úr góðri hitaþolinni olíu, kryddaðu og bættu grænmetisteningi út á. Helltu hakki yfir allt og hrærðu vel saman. Þegar allt er orðið heitt í gegn er hakkblandan borin fram með spaghettíinu.

Vantar eitthvað af hráefnunum? Hér eru tillögur! Veldu magn í hverri línu fyrir sig og bættu svo í körfu.

Opnunartími verslunar

Alla daga frá kl.10:00 - 20:00

Heimilisfang

Faxafen 14, 108 Reykjavík

Sími

7793600

Netfang

veganbudin@veganbudin.is

X